نوحه شام غریبان
براجان شام غریبونه شنار
اشت خوا خیلی پریشونه شنار
براجان چمی آکه اشت غریبه خا دییس
زینب نه گف بژن مگم نداری دِ نفس
ت چمن نفس بیشه اشت خا سس آرس بیشه
فاطمه شیرینه بله چ به ک ت بی کس بیشه
براجان شام غریبونه شنار
اشت خوا خیلی پریشونه شنار
براجان شنار دِ اشت سس چمن گوش نارَس
اَمشون اسیرگته کی بی اَمه را برَس
فاطمه ویندرً ک شی رَ منر پس هشته یا
ایلهی رقیه خانم موینه ت سر جدا
براجان شام غریبونه شنار
اشت خوا خیلی پریشونه شنار
اشت غرصه ایوری عباسی غرصه ایوری
اکبری پرپر آبه ایوری اصغر ایوری
خیمه وش گته ایور گوشواره کنده ایوری
نیزه سر سر وینده و قرآنی خنده ایوری
براجان شام غریبونه شنار
اشت خوا خیلی پریشونه شنار
نیزه سر اشت سری داویندمه وش گتمه
براجان دا خندرَ قورآنی آتش گتمه
به دییَس ک چم دیل خونه برا
اشت نازه داشته خا خیلی پریشونه برا
دِ چمن سیسته دیلی را براجان غرصه مرن
داغه سنگون سری کو موین که پابرپا برن
زینبی مه گف ژنم دایزیدی خارآکرم
روضه خونوم براجان دنیا چه پیش تارآکرم
براجان شام غریبونه شنار
اشت خوا خیلی پریشونه شنار
پاسخ دهید