کربلا چه؟
کربلا دستونی زونوم خندَه رَ سنگی اثرگی نی زونوم وینده رَ
عباسی روضه نی زونوم خش داری سینه کو جنگ آو و آتش داری
از نی زونوم عاشق اصغریشه سیسته لبی خونه ت پرپریشه
موحرمی خونه سیا دری شه ده شو ک شال عزا پِری شه
ده شوَ هیئتی کو سینه ژنی سینه سری یاد سکینه ژنی
راست و حسینی زونی کربلا چه؟ حسینی روضه زونی بی صدا چه؟
حسین ت کو تِییهَ برمه نخوا شو دا سحر چاووشی خنده نخوا
زنجیر و سنج و قمه ژنده نخوا بلنگونه ملا دخنده نخوا
حسین خوا ک زمونه کو خار مبی نمازَ خون یزیدینه یار مبی
زینبینه دم بیگری شو و روز نماز و قورآنینه یندینه دوز
کربلا گف حرف خدای ولله هیهات من الذله هیهات من الذله
پاسخ دهید